"Manchester Yunayted" vingeri Amad Diallo Lisandro Martines og‘ir jarohatini yengib o‘tishga qanday yordam bergani haqida gapirib berdi.

Kot-d'Ivuarlik tizzasi jiddiy shikastlangani uchun o‘tgan yilning avgustidan dekabrigacha maydonga tusha olmadi.

"Lisandro - ajoyib inson. Men uchun u shunchaki futbolchi emas, balki haqiqiy yetakchi. Jarohat olganimda u ham jarohatni davolayotgandi va menga katta yordam berdi. U men bilan ko‘p suhbatlashdi, xavotirlanmaslikni, ijobiy munosabatda bo‘lishni va tezroq o‘z yo‘liga qaytish uchun ko‘p mehnat qilishimni so‘radi", - deya Dialloning so‘zlarini keltiradi "Manchester Yunayted" matbuot xizmati.

Eslatib o‘tamiz, Martinesning o‘zi ham yaqinda yangi jarohat oldi - u taxminan ikki oyni o‘tkazib yuborishi mumkin.