"Манчестер Юнайтед" вингери Амад Диалло Лисандро Мартинес оғир жароҳатини енгиб ўтишга қандай ёрдам бергани ҳақида гапириб берди.
Кот-д'Ивуарлик тиззаси жиддий шикастлангани учун ўтган йилнинг августидан декабригача майдонга туша олмади.
"Лисандро - ажойиб инсон. Мен учун у шунчаки футболчи эмас, балки ҳақиқий етакчи. Жароҳат олганимда у ҳам жароҳатни даволаётганди ва менга катта ёрдам берди. У мен билан кўп суҳбатлашди, хавотирланмасликни, ижобий муносабатда бўлишни ва тезроқ ўз йўлига қайтиш учун кўп меҳнат қилишимни сўради", - дея Диаллонинг сўзларини келтиради "Манчестер Юнайтед" матбуот хизмати.
Эслатиб ўтамиз, Мартинеснинг ўзи ҳам яқинда янги жароҳат олди - у тахминан икки ойни ўтказиб юбориши мумкин.