“Arsenal” futbolchisi Gabriel Magalyans yana bir bor raqib darvozasini ishg‘ol qildi.
Braziliyalik futbolchi Angliya chempionatining 24-turi doirasidagi o‘yinda (6:0) “kanonirlar”ga “Vest Xem”ni mag‘lub etishga yordam berdi va 44-daqiqada gol urdi.
Ingliz nashrlari bergan xabarlarga ko‘ra, Magalyans tarixda "Arsenal" markaziy himoyachilari orasida Premyer-ligada eng ko‘p gol urish bo‘yicha ikkinchi o‘ringa ko‘tarildi - 14 ta gol. Bu reytingda faqat Loran Koselni (22 gol) 26 yoshli markaziy himoyachidan yuqoriroq natija qayd etgan.
Uchinchi o‘rindagi Tomas Vermalen hisobida 13 ta gol bor.
Gabriel Magalyans joriy Premyer-ligada 22 uchrashuvda 4 ta gol urdi.
