“Арсенал” футболчиси Габриэль Магальянс яна бир бор рақиб дарвозасини ишғол қилди.

Бразилиялик футболчи Англия чемпионатининг 24-тури доирасидаги ўйинда (6:0) “канонирлар”га “Вест Хэм”ни мағлуб этишга ёрдам берди ва 44-дақиқада гол урди.

Инглиз нашрлари берган хабарларга кўра, Магальянс тарихда "Арсенал" марказий ҳимоячилари орасида Премьер-лигада энг кўп гол уриш бўйича иккинчи ўринга кўтарилди - 14 та гол. Бу рейтингда фақат Лоран Косельни (22 гол) 26 ёшли марказий ҳимоячидан юқорироқ натижа қайд этган.

Учинчи ўриндаги Томас Вермален ҳисобида 13 та гол бор.

Габриэль Магальянс жорий Премьер-лигада 22 учрашувда 4 та гол урди.