"PSJ" yarim himoyachisi Fabian Ruis "Real Sosyedad" bilan bo‘ladigan Chempionlar ligasi pley-off o‘yini haqida gapirdi.
"Real Sosyedad"ni juda yaxshi bilaman. Bu yuqori pressingga ega, yaxshi tashkil etilgan jamoa. Biroq, biz xotirjamlikni saqlaymiz. Ertaga bizni qiyin o‘yin kutib turibdi", - dedi Ruis parijliklar matbuot xizmatiga.
Joriy mavsumda 27 yoshli yarim himoyachi barcha turnirlarda 22 ta uchrashuvda maydonga tushib, bitta gol urdi va ikkita golli uzatmani amalga oshirdi.
14 fevral, chorshanba kuni "PSJ" va "Real Sosyedad" o‘rtasidagi Chempionlar ligasi 1/8 finalining ilk uchrashuvi bo‘lib o‘tadi.
Uchrashuvning boshlanishi Toshkent vaqti bilan 01:00ga belgilangan.
