"ПСЖ" ярим ҳимоячиси Фабиан Руис "Реал Сосьедад" билан бўладиган Чемпионлар лигаси плей-офф ўйини ҳақида гапирди.
"Реал Сосьедад"ни жуда яхши биламан. Бу юқори прессингга эга, яхши ташкил этилган жамоа. Бироқ, биз хотиржамликни сақлаймиз. Эртага бизни қийин ўйин кутиб турибди", - деди Руис парижликлар матбуот хизматига.
Жорий мавсумда 27 ёшли ярим ҳимоячи барча турнирларда 22 та учрашувда майдонга тушиб, битта гол урди ва иккита голли узатмани амалга оширди.
14 феврал, чоршанба куни "ПСЖ" ва "Реал Сосьедад" ўртасидаги Чемпионлар лигаси 1/8 финалининг илк учрашуви бўлиб ўтади.
Учрашувнинг бошланиши Тошкент вақти билан 01:00га белгиланган.
