"Bavariya" hali Tomas Tuxelni iste’foga chiqarmoqchi emas.

Bild jurnalistlari Kristian Falk va Tobi Altshafflning yozishicha, myunxenliklar har qanday holatda ham murabbiyni almashtirish bo‘yicha muhokamalardan qochmoqchi. Bosslar Tuxel tinchlikda ishlashni davom ettirishini xohlashadi. Ular jamoaning bu mavsumdagi maqsadlarini xavf ostiga qo‘ymoqchi emas.

Tuxelning faoliyatiga mavsum oxirida baho beriladi.

Qayd etilishicha, “Bavariya” rahbariyati o‘tgan yilning mart oyida ishdan bo‘shatilgan Yulian Nagelsmann bilan bog‘liq vaziyatdan “saboq olgan”. Shu bois Tuxel bilan bog‘liq vaziyatda shoshilish niyat yo‘q.