David Moyes "Nottingem Forest"dan uchralgan mag‘lubiyatdan so‘ng muxlislarning noroziligiga javob qaytardi.

"Vest Xem" Premyer-ligadagi g‘alabasiz seriyasini oltita o‘yinga uzaytirdi va hali 2024 yilda g‘alaba qozona olmadi. "Nottingem"ga qarshi o‘yindagi muvaffaqiyatsizlikdan so‘ng muxlislar jamoaga nisbatan hushtakbozlik qilishdi.

"Men bunday narsalarni boshdan kechirganman va menimcha, siz hammani xursand qila olmaysiz. "Vest Xem" ko‘pincha yaxshiroq vaqtlarni o‘tkazgan deb aytish qiyin. Balki ular boshqacha narsani xohlashlari mumkin, lekin agar insof bilan aytishsa, ehtimol, klub kubokni qo‘lga kiritgan (Konferensiyalar ligasi 2022/23 – muallif) va yetakchi o‘rinni egallab turgan ajoyib davr edi, deyishadi.

Balki, boshqa murabbiylar ham ishtiyoqliroq bo‘lgandir, ammo hozir bu yerda ishlaydigan kishi ko‘proq g‘alaba qozonadi. Bu yil biz "Tottenxem", "MYU", "Chelsi", "Arsenal"ni mag‘lub etdik, yaqinda yaxshi vaqtlar bo‘lganini unutmasligimiz kerak.

Biz yaxshi o‘ynamadik, ammo 1 yanvardan boshlab noqulay vaziyatlar yuzaga keldi: yigitlar (Muhammad Kudus va Nayef Agerd - muallif) Afrika Millatlar Kubogiga yo‘l olishdi. Jerrod Bouen Angliya terma jamoasi safida jarohatdan qaytdi va o‘shandan beri xuddi o‘ynamadi. Biz ko‘p vaqt Lukas Paketasiz edik, shuning uchun bizga ko‘p narsa ta’sir qildi" - dedi shotlandiyalik mutaxassis o‘yindan keyingi matbuot anjumanida.