"Liverpul"ning niderlandiyalik himoyachisi Virjil van Deyk mersisaydliklar klubi futbolchilaridagi jarohatlar haqida gapirdi. Angliya premyer-ligasining 25-turidan o‘rin olgan “Brentford” bilan o‘yinda (4:1) “qizillar” hujumchisi Diogo Jota va yarim himoyachi Kertis Jonsni jarohat oldi.
"Bizda jarohat olgan futbolchilar ko‘pligini inkor etishning ma’nosi yo‘q. Biz ko‘p narsalarni yo‘qotdik va biz bunga moslashishimiz kerak. Lekin bizga har bir futbolchi kerak. Biz hali ham har bir sovrin uchun kurashamiz va agar muvaffaqiyatga erishmoqchi bo‘lsak, oxirigacha bir xil ruhda davom etishimiz kerak", - deya van Deykning so‘zlarini keltiradi Liverpool Echo.
Joriy mavsumda Angliya Premyer-ligasining 25-turidan so‘ng “Liverpul” keyingi o‘rindagi “Arsenal”dan ikki ochko oldinda, turnir jadvalida birinchi o‘rinda bormoqda.
