"Marsel" bosh murabbiyi Jan-Lui Gasse Yevropa ligasi pley-off bosqichi javob uchrashuvida "Shaxtyor" ustidan qozonilgan g‘alaba (3:1) haqida fikr bildirdi. Fransiya jamoasi 1/8 finalga chiqdi.
“Biz har qanday holatda ham harakat qilishimiz kerak edi. Bu hamma uchun juda muhim edi. Muhimi, muxlislar orqamizda turib bizga kuch-quvvat baxsh etdi. Biz shu yerda to‘xtab qolmaymiz. Biz "Marsel"ni munosib bo‘lgan darajaga qaytarishimiz kerak. Birinchi qadam yaxshi bo‘ldi, ammo oldinda ichki chempionatda 12 ta, Yevropada esa yana bir nechta o‘yin bor", - deya Gasse so‘zlarini keltiradi UEFA matbuot xizmati.
