"Bavariya" vingeri Matis Tel yozgi transfer oynasida jamoani tark etishni istamayapti. Bu haqda insayder Fabrisio Romano xabar berdi.
Manba bergan xabarga ko‘ra, 18 yoshli fransiyalik futbolchi "Bavariya"ni juda yaxshi ko‘radi va jamoada qolishni istaydi. Xabar qilinishicha, unga o‘yin vaqti kafolati kerak, ammo so‘nggi so‘z kelayotgan yozda Tomas Tuxelning o‘rnini bosadigan "Bavariya"ning yangi bosh murabbiyiga tegishli bo‘ladi.
Joriy mavsumda Tel barcha turnirlarda 28 ta o‘yinda qatnashib, 6 ta gol urdi va 4 ta golli uzatmani amalga oshirdi.
