"Бавария" вингери Матис Тель ёзги трансфер ойнасида жамоани тарк этишни истамаяпти. Бу ҳақда инсайдер Фабрицио Романо хабар берди.
Манба берган хабарга кўра, 18 ёшли франциялик футболчи "Бавария"ни жуда яхши кўради ва жамоада қолишни истайди. Хабар қилинишича, унга ўйин вақти кафолати керак, аммо сўнгги сўз келаётган ёзда Томас Тухелнинг ўрнини босадиган "Бавария"нинг янги бош мураббийига тегишли бўлади.
Жорий мавсумда Тель барча турнирларда 28 та ўйинда қатнашиб, 6 та гол урди ва 4 та голли узатмани амалга оширди.
