"Bavariya" vingeri Matis Telning agenti Gadiri Kamara jamoaning sport direktori Kristof Froynd bilan uchrashdi. Bu haqda insayder Fabrisio Romano xabar berdi.
Manbaga ko‘ra, uchrashuv ijobiy ruhda o‘tgan. Qayd etilishicha, klub Telni saqlab qolish va uni kelajakdagi loyihasiga kiritish istagini bildirgan.
Avvalroq, futbolchining o‘zi "Bavariya"ni juda yaxshi ko‘rishi, shuning uchun u jamoani tark etishni istamasligi haqida ma’lumotlar paydo bo‘lgandi.
Joriy mavsumda 18 yoshli Tel barcha turnirlarda 29 ta o‘yin o‘tkazib, 6 ta gol urdi va 4 ta golli uzatmani amalga oshirdi.
Fransiyalik futbolchining "Bavariya" bilan amaldagi shartnomasi 2027 yilning yoziga qadar tuzilgan.
