"Бавария" вингери Матис Телнинг агенти Гадири Камара жамоанинг спорт директори Кристоф Фройнд билан учрашди. Бу ҳақда инсайдер Фабрицио Романо хабар берди.
Манбага кўра, учрашув ижобий руҳда ўтган. Қайд этилишича, клуб Телни сақлаб қолиш ва уни келажакдаги лойиҳасига киритиш истагини билдирган.
Аввалроқ, футболчининг ўзи "Бавария"ни жуда яхши кўриши, шунинг учун у жамоани тарк этишни истамаслиги ҳақида маълумотлар пайдо бўлганди.
Жорий мавсумда 18 ёшли Тель барча турнирларда 29 та ўйин ўтказиб, 6 та гол урди ва 4 та голли узатмани амалга оширди.
Франциялик футболчининг "Бавария" билан амалдаги шартномаси 2027 йилнинг ёзига қадар тузилган.
