"PSJ" markaziy himoyachisi Markinyos jarohatidan so‘ng safga qaytishga yaqin turibdi.

Parijliklar sardori jarohati tufayli jamoaning Liga 1dagi so‘nggi ikki o‘yinini o‘tkazib yubordi, shuningdek, Chempionlar ligasi 1/8 finalining "Real Sosyedad"ga qarshi javob o‘yinida ham maydonga tushmaslik xavfini tug‘dirdi. Le Parisen nashrining yangilangan xabarlariga ko‘ra, braziliyalik futbolchi yakshanba kuni mashg‘ulotlarga qaytishi kerak. U bask jamoasiga qarshi bo‘lib o‘tadigan o‘yin uchun tarkibga kiritilishini kutmoqda.

"Real Sosyedad" - "PSJ" uchrashuvi 5 mart kuni bo‘lib o‘tadi. Ikki hafta oldin Parijda bo‘lib o‘tgan birinchi uchrashuvda Luis Enrike shogirdlari g‘alabani tantana qilishgandi - 2:0.