"ПСЖ" марказий ҳимоячиси Маркиньос жароҳатидан сўнг сафга қайтишга яқин турибди.
Парижликлар сардори жароҳати туфайли жамоанинг Лига 1даги сўнгги икки ўйинини ўтказиб юборди, шунингдек, Чемпионлар лигаси 1/8 финалининг "Реал Сосьедад"га қарши жавоб ўйинида ҳам майдонга тушмаслик хавфини туғдирди. Le Parisen нашрининг янгиланган хабарларига кўра, бразилиялик футболчи якшанба куни машғулотларга қайтиши керак. У баск жамоасига қарши бўлиб ўтадиган ўйин учун таркибга киритилишини кутмоқда.
"Реал Сосьедад" - "ПСЖ" учрашуви 5 март куни бўлиб ўтади. Икки ҳафта олдин Парижда бўлиб ўтган биринчи учрашувда Луис Энрике шогирдлари ғалабани тантана қилишганди - 2:0.
