O‘zbekiston Superligasi 1-turi doirasida o‘tkazilgan "Surxon" – "Paxtakor" (0:3) uchrashuvi yakunlangach mezbonlar ustozi Fevzi Davletov o‘yin borasida o‘z fikrlarini bildiradi.
"O‘yin haqida nima deyman? O‘yinning boshidayoq raqibga gol urishga imkon berdik. Vaziyatni tenglashtirishga harakat qildik, ammo ikkinchi taym boshida yana gol o‘tkazib yubordik. O‘zimiz raqibga imkoniyatlar yaratdik.
Barchasi konsentrasiya bilan bog‘liq. O‘yin boshida konsetrasiyani yo‘qotdik. Futbolchilarga bunday xato qilmaslikni takror uqtirgan bo‘lsakda, bunday xatolarga yana yo‘l qo‘ydik. Ayniqsa, ilk 10-15 daqiqalikda raqib bosimiga turib berishimiz kerakligini aytgan edik. Ammo, bu rejamiz ish bermadi.
Jamoa o‘tgan mavsumdagi natijalarni takrorlashni reja qilgan. Kamida o‘tgan mavsumdagi natijani takrorlash kerak. Maqsadimiz, albatta undanda yuqori o‘rinlarni egallash
Albatta, hali jamoa yangi futbolchilarni jamoaga jalb etadi. Jamoani kuchaytirish kerak. Murabbiylar shtabi bilan kamchiliklarni bartaraf etish uchun ishlaymiz. Murabbiylik oson emas, ammo ish bor joyda qiyinchiliklar bo‘ladi, albatta", - dedi Davletov.
