"Manchester Siti" hujumchisi Erling Xoland klub bilan shartnomasini uzaytirishi mumkinligi haqidagi savolga javob berdi.
Norvegiyalik yulduz hozirda o‘z kelajagi haqida o‘ylamasligini aniq aytdi.
"Shartnomani uzaytirishmi? Hozir bor e’tiborimni maydondagi ishimga qaratganman, oldinda bizni ko‘plab o‘yinlar kutib turibdi.
O‘ylaymanki, men bunga e’tibor qaratishim kerak", dedi Xoland jurnalistlarga.
Erling Xolandning "Manchester Siti" bilan amaldagi shartnomasi 2027 yilning o‘rtalariga qadar tuzilgan.
Umuman olganda, norvegiyalik futbolchi klub safida 84 ta o‘yin o‘tkazib, 80 ta gol urgan va 15 ta golli uzatmani amalga oshirgan.
