“Metallurg” va “So‘g‘diyona” jamoalari bugungacha kuchlilar safida o‘zaro 44 ta o‘yin o‘tkazgan: 17 tasida bekobodliklar, 18 ta uchrashuvda jizzaxliklar zafar quchgan. 9 ta uchrashuvda esa  durang natija qayd etilgan. Kiritilgan va o‘tkazib yuborilgan to‘plar farqi – 61:58, “So‘g‘diyona” foydasiga.

Mazkur jamoalar o‘rtasida qayd etilgan eng yirik hisob – 4:0. “So‘g‘diyona” 2001 yildi o‘z maydonida ham, safarda ham bir martadan shunday hisobda zafar quchgan. Eng gollarga boy o‘yin 2014 yili Zominda bo‘lgan uchrashuvda kuzatilgan. Unda darvozalarga to‘qqizta to‘p kiritilgan – 5:4.

Ushbu jamoalarning Bekobodda o‘tkazilgan o‘yinlar nisbati “Metallurg” foydasiga: 14 g‘alaba, 3 durang, 5 mag‘lubiyat, to‘plar farqi – 34:22.

Bekobodda o‘tgan oxirgi beshta uchrashuvda qayd etilgan natijalar:

30.08.2023 «Metallurg» - «So‘g‘diyona» 3:1
18.09.2022 «Metallurg» - «So‘g‘diyona» 2:1
05.05.2021 «Metallurg» - «So‘g‘diyona» 0:2
12.07.2020 «Metallurg» - «So‘g‘diyona» 2:0
18.10.2019 «Metallurg» - «So‘g‘diyona» 0:1

“So‘g‘diyona” haqida

“So‘g‘diyona” FKga 1970 yilda asos solingan. Jamoa turli yillarda DSK,  “Mehnat”,  “Jizzax”, “Irrigator”, “Bo‘ston”, “Zvezda”, “Yoshlik” nomlari ostida musobaqalarda qatnashib kelgan. 1990 yildan “So‘g‘diyona” nomini oldi va milliy chempionatimizda ishtirok etib kelayapti. Bir martadan kumush va bronza medali sazovor bo‘lgan.

4 marta jamoa kuchlilar safini tark etib, har safar bir yillik tanaffusdan keyin oliy ligaga qaytgan. Jamoaning bitta mavsumda eng ko‘p gol kiritgan o‘yinchisi Aleksey Jdanov - 18 ta gol (1998 yil). 2022 yilda “So‘g‘diyona” ilk marta OFK kubogida qatnashib, pley-offga chiqishga erishdi.

“So‘g‘diyona” kuchlilar safida bugungacha 823 ta uchrashuv o‘tkazgan: 281 ta g‘alaba, 158 ta durang, 384 ta mag‘lubiyat. Kiritilgan va o‘tkazib yuborilgan gollar nisbati: 1031:1303. Jamoaning milliy chempionatlarimizdagi eng yirik g‘alabasi – 10:0 (1992 yil, “Surxon”). Eng yirik mag‘lubiyati esa – 1:8 (2000 yil, “Do‘stlik”), 0:7 (1996 yil –  “Navbahor”, 2009 yil – “Neftchi”, 2015 yil – “Lokomotiv”).

"Metallurg" - "So‘g‘diyona" uchrashuvi 8-mart kuni soat 15:00 da Olmaliq shahridagi "OKMK sport majmuasi"da boshlanadi.