Hujumkor yarim himoyachi Niko Uilyams o‘zining hozirgi klubi "Atletik Bilbao"ni tark etishga tayyor. Jurnalist Grem Beylining so‘zlariga ko‘ra, vinger yozgi transfer oynasida ligani o‘zgartirmoqchi.
Manbaning xabariga ko‘ra, ispaniyalik o‘zini Angliya premyer-ligasida sinab ko‘rmoqchi. Uilyams xizmatlariga ikki klub qiziqish bildirmoqda. Gap “Chelsi” va “Liverpul” klublari haqida ketmoqda.
Nikoning shartnomasida tovon puli ko‘rsatilgan, ya’ni 50 million yevro. Ispaniya chempionatining joriy mavsumida 21 yoshli futbolchi 22 ta o‘yinda maydonga tushdi. Uilyams hisobida uchta gol va oltita golli uzatma bor.