Ispaniyalik “Arsenal” darvozaboni David Rayya “Arsenal”ning Chempionlar ligasi 1/8 finalining “Portu” bilan javob uchrashuvida penaltilar seriyasida g‘alaba qozongani va turnirning chorak finaliga yo‘l olgani haqida fikr bildirdi.
“Albatta, Chempionlar ligasida ilk bor o‘ynash shaxsan men uchun ajoyib tuyg‘u, biroq klub ham ko‘p yillar davomida ilk bor chorak finalga chiqdi. Uchrashuv boshidanoq biz juda yaxshi o‘ynadik. Biz ustunlik qildik, vaziyatlar yaratdik, ammo yakunda penaltilar seriyasiga kelib qoldi.
Bu mavsumda penaltilar ustida ko‘p ishladik va darvozabonlar murabbiyi va jamoasi bilan qilingan barcha mashaqqatli mehnat o‘z samarasini berdi. Shaxsan men uchun ham, jamoa uchun ham ajoyib lahza. Men baxtliman, chunki Chempionlar ligasining pley-off bosqichida ikkita penaltini qaytardim. Raqiblar bizga qiyinchilik tug‘dirdi, ular o‘z o‘yinlarini o‘tkazishdi", — deya Rayyaning so‘zlarini keltiradi BBC.
Chempionlar ligasi 1/8 finalidan o‘rin olgan "Arsenal" va "Portu" o‘rtasidagi javob uchrashuvi penaltilar seriyasi bilan yakunlangan edi. Uchrashuvning asosiy vaqtida London klubi raqibni 1:0 hisobida mag‘lub etdi. Uchrashuv qo‘shimcha bo‘limlarda davom etdi, unda jamoalar gol ura olmadi. Penaltilar seriyasida “Arsenal” futbolchilari kuchliroq edi – 4:2.
