Испаниялик “Арсенал” дарвозабони Давид Райя “Арсенал”нинг Чемпионлар лигаси 1/8 финалининг “Порту” билан жавоб учрашувида пенальтилар сериясида ғалаба қозонгани ва турнирнинг чорак финалига йўл олгани ҳақида фикр билдирди.

“Албатта, Чемпионлар лигасида илк бор ўйнаш шахсан мен учун ажойиб туйғу, бироқ клуб ҳам кўп йиллар давомида илк бор чорак финалга чиқди. Учрашув бошиданоқ биз жуда яхши ўйнадик. Биз устунлик қилдик, вазиятлар яратдик, аммо якунда пенальтилар сериясига келиб қолди.

Бу мавсумда пеналтилар устида кўп ишладик ва дарвозабонлар мураббийи ва жамоаси билан қилинган барча машаққатли меҳнат ўз самарасини берди. Шахсан мен учун ҳам, жамоа учун ҳам ажойиб лаҳза. Мен бахтлиман, чунки Чемпионлар лигасининг плей-офф босқичида иккита пенальтини қайтардим. Рақиблар бизга қийинчилик туғдирди, улар ўз ўйинларини ўтказишди", — дея Райянинг сўзларини келтиради BBC.

Чемпионлар лигаси 1/8 финалидан ўрин олган "Арсенал" ва "Порту" ўртасидаги жавоб учрашуви пеналтилар серияси билан якунланган эди. Учрашувнинг асосий вақтида Лондон клуби рақибни 1:0 ҳисобида мағлуб этди. Учрашув қўшимча бўлимларда давом этди, унда жамоалар гол ура олмади. Пенальтилар сериясида “Арсенал” футболчилари кучлироқ эди – 4:2.