"Atletiko" Chempionlar ligasi 1/8 finali javob uchrashuvida "Inter"ni (2:1, 4:2 pen) mag‘lub etdi. Uchrashuv Madriddagi "Metropolitano" stadionida bo‘lib o‘tdi.
Milanliklar himoyachisi Federiko Dimarko 33-daqiqada hisobni ochgan bo‘lsa, oradan 3 daqiqa o‘tgach, madridliklar Antuan Grizmannning goli bilan javob qaytarishdi. Uchrashuvning so‘ngida “matraschilar” hujumchisi Memfis Depay gol urdi va o‘yinni qo‘shimcha bo‘limga olib o‘tdi, chunki “Inter” birinchi uchrashuvda 1:0 hisobida g‘alaba qozongandi.
Jamoalar 15 daqiqadan iborat ikki bo‘limda gol ura olmagani bois, g‘olib penaltilar seriyasida aniqlandi. “Atletiko” darvozaboni Yan Oblak 2 ta zarbani qaytardi va jamoasiga g‘alaba keltirdi – 4:2. "Neradzurrilar" darvozaboni Yan Zommer bor-yo‘g‘i bitta seyvni amalga oshirdi.
"Atletiko" g‘alaba qozondi va Chempionlar ligasining chorak finaliga chiqdi. Qur’a tashlash marosimi 15 mart kuni bo‘lib o‘tadi. Ushbu bosqichning dastlabki o‘yinlari 9-10 aprel kunlari bo‘lib o‘tadi.
Atletiko Ispaniya – Inter Italiya 2:1 (1:1, 1:0, 0:0, 0:0), penaltilarda - 3:2
14 mart, 01.00, «Metropolitano»
Gollar: 0:1 – 33 Dimarko, 1:1 – 35 Grizmann, 2:1 – 87 Depay.
Atletiko – Oblak, Molina (Barrios, 79), Savich, Ermoso, Vitsel, Koke, De Pol (Korrea, 71), Lyorente (Aspilikueta, 99), Grizmann (Saul, 105), Morata (Depay, 79), Lino (Rikelme, 71).
Inter – Zommer, Dumfris (Darmian, 73), de Vrey, Pavar, Bastoni (Acherbi, 73), Dimarko (Bissek, 84), Mxitaryan (Klassen, 111), Chalxanoglu, Barella (Frattezi, 84), Tyuram (Sanches, 102), Martines.
Penaltilar seriyasi: 1:0, 1:1, 2:1, 2:2, 3:2.
Ogohlantirishlar: Ermoso (41), Koke (90), Chalxanoglu (104), Acherbi (105), Bissek (118).
