"Атлетико" Чемпионлар лигаси 1/8 финали жавоб учрашувида "Интер"ни (2:1, 4:2 пен) мағлуб этди. Учрашув Мадриддаги "Метрополитано" стадионида бўлиб ўтди.
Миланликлар ҳимоячиси Федерико Димарко 33-дақиқада ҳисобни очган бўлса, орадан 3 дақиқа ўтгач, мадридликлар Антуан Гризманннинг голи билан жавоб қайтаришди. Учрашувнинг сўнгида “матрасчилар” ҳужумчиси Мемфис Депай гол урди ва ўйинни қўшимча бўлимга олиб ўтди, чунки “Интер” биринчи учрашувда 1:0 ҳисобида ғалаба қозонганди.
Жамоалар 15 дақиқадан иборат икки бўлимда гол ура олмагани боис, ғолиб пенальтилар сериясида аниқланди. “Атлетико” дарвозабони Ян Облак 2 та зарбани қайтарди ва жамоасига ғалаба келтирди – 4:2. "Нерадзуррилар" дарвозабони Ян Зоммер бор-йўғи битта сэйвни амалга оширди.
"Атлетико" ғалаба қозонди ва Чемпионлар лигасининг чорак финалига чиқди. Қуръа ташлаш маросими 15 март куни бўлиб ўтади. Ушбу босқичнинг дастлабки ўйинлари 9-10 апрель кунлари бўлиб ўтади.
Атлетико Испания – Интер Италия 2:1 (1:1, 1:0, 0:0, 0:0), пенальтиларда - 3:2
14 март, 01.00, «Метрополитано»
Голлар: 0:1 – 33 Димарко, 1:1 – 35 Гризманн, 2:1 – 87 Депай.
Атлетико – Облак, Молина (Барриос, 79), Савич, Эрмосо, Витцель, Коке, Де Поль (Корреа, 71), Льоренте (Аспиликуэта, 99), Гризманн (Сауль, 105), Мората (Депай, 79), Лино (Рикельме, 71).
Интер – Зоммер, Думфрис (Дармиан, 73), де Врей, Павар, Бастони (Ачерби, 73), Димарко (Биссек, 84), Мхитарян (Классен, 111), Чалханоглу, Барелла (Фраттези, 84), Тюрам (Санчес, 102), Мартинес.
Пенальтилар серияси: 1:0, 1:1, 2:1, 2:2, 3:2.
Огоҳлантиришлар: Эрмосо (41), Коке (90), Чалханоглу (104), Ачерби (105), Биссек (118).
