«Nasaf» Superliganing 3-turida Navoiyning  «Qizilqum» jamoasini qabul qiladi. Uchrashuv 16 mart kuni 19:00 da start oladi. 2-turdan so‘ng «Qizilqum» jamoasi 6 ochko jamg‘arib, turnirda peshqadamlik qilmoqda.

Jamoalar O‘zbekiston chempionatida shu vaqtga qadar 50 bor to‘qnash kelishgan. Bo‘lib o‘tgan 30 uchrashuvda «Nasaf», 7 o‘yinda esa navoiyliklar g‘alaba qozonishgan. 13 uchrashuvda esa durang natija qayd etilgan.

To‘plar nisbati 94:49. Ustunlik «Nasaf»da.

Jamoalar so‘nggi bor 2023 yil 19 avgust kuni Qarshida to‘qnash kelishgan. Uchrashuvda hisob ochilmagan.

O‘zaro uchrashuvlarda qayd etilgan eng yuqori hisoblar quyidagicha: «Nasaf» – «Qizilqum» 7:1, «Qizilqum» — «Nasaf» 3:1.

E’tiboringizga, Qarshida bo‘lib o‘tgan so‘nggi besh uchrashuvning natijalarini havola qilamiz:

19.08.2023 y. Nasaf - Qizilqum - 0:0
17.05.2022 y. Nasaf - Qizilqum - 5:0
16.09.2021 y. Nasaf - Qizilqum - 2:1
10.09.2020 y. Nasaf - Qizilqum - 4:0
10.05.2019 y. Nasaf - Qizilqum - 1:1

«Nasaf» futbol klubi matbuot xizmati