“Bayer” hujumchisi Patrik Shik Yevropa ligasi 1/8 finali javob o‘yinida “Qorabog‘” ustidan qozonilgan g‘alaba (3:2) haqida fikr bildirdi.

"Bu o‘yin, bu yakun - hammasi ajoyib! So‘nggi daqiqalar biz uchun aqldan ozgan tarzda kechdi – xuddi birinchi o‘yindagidek, o‘yinning so‘nggi daqiqalarigacha kurashishimiz kerak edi. "Qorabog‘" maqtovga loyiq: ular Bundesligadagi raqiblarimizdan butunlay boshqacha uslubda o‘ynashadi. Bu bizning vazifamizni qiyinlashtirdi. Hujumchi sifatida maydonga chiqib, hal qiluvchi gollar urish men uchun ajoyib mukofot. Endi chorak finalni intiqlik bilan kutmoqdamiz. Keyingi raqib kim bo‘lishi muhim emas, biz hammani mag‘lub eta olamiz", - deya Shik so‘zlarini keltiradi UYEFA matbuot xizmati.