“Байер” ҳужумчиси Патрик Шик Европа лигаси 1/8 финали жавоб ўйинида “Қорабоғ” устидан қозонилган ғалаба (3:2) ҳақида фикр билдирди.

"Бу ўйин, бу якун - ҳаммаси ажойиб! Сўнгги дақиқалар биз учун ақлдан озган тарзда кечди – худди биринчи ўйиндагидек, ўйиннинг сўнгги дақиқаларигача курашишимиз керак эди. "Қорабоғ" мақтовга лойиқ: улар Бундеслигадаги рақибларимиздан бутунлай бошқача услубда ўйнашади. Бу бизнинг вазифамизни қийинлаштирди. Ҳужумчи сифатида майдонга чиқиб, ҳал қилувчи голлар уриш мен учун ажойиб мукофот. Энди чорак финални интиқлик билан кутмоқдамиз. Кейинги рақиб ким бўлиши муҳим эмас, биз ҳаммани мағлуб эта оламиз", - дея Шик сўзларини келтиради УЕФА матбуот хизмати.