"Tottenxem" yarim himoyachisi Rodrigo Bentankur Ange Postekoglu qo‘l ostidagi jamoasining darajasini yuqori baholadi. Mavsum boshida "shporlar" qisqa muddatga Premyer-liga turnir jadvalida birinchi o‘rinni egalladi, shundan so‘ng jarohatlar inqirozini boshdan kechirib, chempionlikka da’vogarlar safidan chiqib ketishdi.
“Biz kuboklar uchun kurashishga qodirmizmi? Albatta, etiborimizni qisqa muddatli maqsadlarga qaratishimiz kerak - har haftada uch ochko olish. Bilamizki, bizda yuqori saviyada raqobatlasha oladigan xislatlar bor, bu joriy mavsumda o‘z isbotini topdi. Afsuski, “Tottenxem”ga jarohatlar borasida omad yetishmadi. Agar keyingi mavsumda jarohatlar kamroq bo‘lsa, menimcha, biz uchun hammasi yaxshi bo‘lishi mumkin", - deya Bentankurning so‘zlaridan iqtibos keltiradi The Express.
