"Тоттенхэм" ярим ҳимоячиси Родриго Бентанкур Анге Постекоглу қўл остидаги жамоасининг даражасини юқори баҳолади. Мавсум бошида "шпорлар" қисқа муддатга Премьер-лига турнир жадвалида биринчи ўринни эгаллади, шундан сўнг жароҳатлар инқирозини бошдан кечириб, чемпионликка даъвогарлар сафидан чиқиб кетишди.
“Биз кубоклар учун курашишга қодирмизми? Албатта, этиборимизни қисқа муддатли мақсадларга қаратишимиз керак - ҳар ҳафтада уч очко олиш. Биламизки, бизда юқори савияда рақобатлаша оладиган хислатлар бор, бу жорий мавсумда ўз исботини топди. Афсуски, “Тоттенхэм”га жароҳатлар борасида омад етишмади. Агар кейинги мавсумда жароҳатлар камроқ бўлса, менимча, биз учун ҳаммаси яхши бўлиши мумкин", - дея Бентанкурнинг сўзларидан иқтибос келтиради The Express.
