Ayni damda "Real Madrid" Ispaniya La Ligasi doirasida "Osasuna"ga qarshi safarda o‘ynamoqda.
Birinchi bo‘lim oxirida "qaymoqranglilar" hujumchisi Vinisius Junior sportchiga xos bo‘lmagan harakati uchun sariq kartochka oldi.
Endi Vinisius yig‘ilib qolgan sariq kartochkalar tufayli diskvalifikasiyaga uchraydi va "Real"ning bitta o‘yinini o‘tkazib yuborishga majbur bo‘ladi.
Braziliyalik futbolchi 31-mart kuni “Atletik”ka qarshi bahsni o‘tkazib yuboradi.
Eslatib o‘tamiz, "Osasuna"ga qarshi o‘yinda Vinisius hisobni ochgan edi. Braziliyalik futbolchi bir yarim yil ichida birinchi marta ketma-ket to‘rtta o‘yinda gol urdi.
