"Krasnodar" yarim himoyachisi Eduard Spersyan faoliyatini "Jirona"da davom ettirishi mumkin.
«RB Sport» xabariga ko‘ra, ayni damda La Liga turnir jadvalida uchinchi o‘rinni egallab turgan "Jirona" armanistonlik futbolchiga qiziqish bildirmoqda.
Qayd etilishicha, yanvar oyida ispan klubi futbolchining atrofidagilar bilan aloqada bo‘lgan, biroq Spersyanning agenti futbolchi bilan Italiyada ishlamoqchi.
Avvalroq futbolchiga "Atletiko" ham qiziqqani haqida xabar bergan edik.
Joriy mavsumda 23 yoshli Spersyan “Krasnodar” safida 23 ta o‘yinda maydonga tushib, 8 ta gol urdi va 4 ta golli uzatmani amalga oshirdi. Transfermarkt portali Armaniston terma jamoasi futbolchisini 18 million yevroga baholamoqda.
