"Краснодар" ярим ҳимоячиси Эдуард Сперцян фаолиятини "Жирона"да давом эттириши мумкин.
«РБ Спорт» хабарига кўра, айни дамда Ла Лига турнир жадвалида учинчи ўринни эгаллаб турган "Жирона" арманистонлик футболчига қизиқиш билдирмоқда.
Қайд этилишича, январь ойида испан клуби футболчининг атрофидагилар билан алоқада бўлган, бироқ Сперцяннинг агенти футболчи билан Италияда ишламоқчи.
Аввалроқ футболчига "Атлетико" ҳам қизиққани ҳақида хабар берган эдик.
Жорий мавсумда 23 ёшли Сперцян “Краснодар” сафида 23 та ўйинда майдонга тушиб, 8 та гол урди ва 4 та голли узатмани амалга оширди. Transfermarkt портали Арманистон терма жамоаси футболчисини 18 миллион еврога баҳоламоқда.
