Amerikalik yarim himoyachi Yunus Musa o‘zining "Milan"dagi jamoadoshi Kristian Pulishich o‘yinini juda yuqori baholadi. U Pulishichning optimal formada ekanligiga ishonadi va hatto uni ayni damda "Milan"ning eng yaxshi hujumchisi deb atagan.
"Kristianning hozir qanday o‘ynayotganini ko‘rib xursandman. U ko‘p gol uradi, ko‘p paslar beradi va jamoamiz o‘yiniga katta ta’sir ko‘rsatadi. Ishonamanki, uni joriy mavsumda "Milan"ning eng yaxshi hujumchisi deb atash mumkin. Men u uchun juda xursandman", - deya Musaning so‘zlarini keltiradi pianetamilan.it.
Italiya chempionatining navbatdagi turida “Milan” “Fiorentina”ga qarshi kurash olib boradi. Klub ayni damda Italiya A Seriyasi turnir jadvalida 2-o‘rinni egallab turibdi.
