Америкалик ярим ҳимоячи Юнус Муса ўзининг "Милан"даги жамоадоши Кристиан Пулишич ўйинини жуда юқори баҳолади. У Пулишичнинг оптимал формада эканлигига ишонади ва ҳатто уни айни дамда "Милан"нинг энг яхши ҳужумчиси деб атаган.

"Кристианнинг ҳозир қандай ўйнаётганини кўриб хурсандман. У кўп гол уради, кўп паслар беради ва жамоамиз ўйинига катта таъсир кўрсатади. Ишонаманки, уни жорий мавсумда "Милан"нинг энг яхши ҳужумчиси деб аташ мумкин. Мен у учун жуда хурсандман", - дея Мусанинг сўзларини келтиради pianetamilan.it.

Италия чемпионатининг навбатдаги турида “Милан” “Фиорентина”га қарши кураш олиб боради. Клуб айни дамда Италия А Серияси турнир жадвалида 2-ўринни эгаллаб турибди.