"Real" safida "Espanyol"dan ijaraga asosida harakat qilayotgan hujumchi Xoselu "Qirollik klubi"da qolmoqchi.
33 yoshli futbolchining ijara muddati joriy mavsum oxirigacha. Shartnomada forvardni 1,5 million yevroga sotib olish bandi ko‘rsatilgan.
"Men "Real Madrid"da ijara asosida emas, doimiy ravishda qolishni istardim", - deya taniqli insayder Fabrisio Romano ispaniyalikning so‘zlarini keltiradi ABC telekanaliga tayanib.
Xoselu joriy mavsumda Karlo Anchelotti shogirdlari safida 38 ta o‘yinda maydonga tushib, 13 ta gol va 3 ta golli uzatmaga mualliflik qilgan. Ispaniyalik futbolchining "Espanyol" bilan shartnomasi 2025 yilning o‘rtalariga qadar tuzilgan.
