"Реал" сафида "Эспаньол"дан ижарага асосида ҳаракат қилаётган ҳужумчи Хоселу "Қироллик клуби"да қолмоқчи.
33 ёшли футболчининг ижара муддати жорий мавсум охиригача. Шартномада форвардни 1,5 миллион еврога сотиб олиш банди кўрсатилган.
"Мен "Реал Мадрид"да ижара асосида эмас, доимий равишда қолишни истардим", - дея таниқли инсайдер Фабрицио Романо испанияликнинг сўзларини келтиради ABC телеканалига таяниб.
Хоселу жорий мавсумда Карло Анчелотти шогирдлари сафида 38 та ўйинда майдонга тушиб, 13 та гол ва 3 та голли узатмага муаллифлик қилган. Испаниялик футболчининг "Эспаньол" билан шартномаси 2025 йилнинг ўрталарига қадар тузилган.
