Ukraina terma jamoasi hujumchisi Roman Yaremchuk muxlislar tomonidan Yevro-2024 saralashi pley-off bosqichida Bosniya va Gersegovinaga qarshi o‘yinning eng yaxshi o‘yinchisi deb tan olindi.
O‘yinda "ko‘k-sariqlar" bosniyaliklar ustidan irodali g‘alabaga erishdi — 2:1. Roman Yaremchuk zaxiradan maydonga tushganidan so‘ng gol urdi va golli uzatmani amalga oshirdi.
"Albatta, bu juda yoqimli, muxlislarga rahmat. Buni davom ettirish kerak va umid qilamanki, bu oxirgi marta emas. Har safar isbotlash, gol urish va jamoaga foyda keltirish kerak.
O‘yinga kirishib ketish qiyin bo‘ldi. Lekin hammasi shunday tugagani yaxshi. Polshaga yaxshi kayfiyatda boramiz, keyingi o‘yinga tayyorgarlik ko‘ramiz.
O‘ylaymanki, tiklanish uchun yetarli vaqt bo‘ladi. Biz hammamiz professionalmiz, faqat oldinga qaraymiz", - dedi Roman Yaremchuk.
