Украина терма жамоаси ҳужумчиси Роман Яремчук мухлислар томонидан Евро-2024 саралаши плей-офф босқичида Босния ва Герцеговинага қарши ўйиннинг энг яхши ўйинчиси деб тан олинди.
Ўйинда "кўк-сариқлар" боснияликлар устидан иродали ғалабага эришди — 2:1. Роман Яремчук захирадан майдонга тушганидан сўнг гол урди ва голли узатмани амалга оширди.
"Албатта, бу жуда ёқимли, мухлисларга раҳмат. Буни давом эттириш керак ва умид қиламанки, бу охирги марта эмас. Ҳар сафар исботлаш, гол уриш ва жамоага фойда келтириш керак.
Ўйинга киришиб кетиш қийин бўлди. Лекин ҳаммаси шундай тугагани яхши. Польшага яхши кайфиятда борамиз, кейинги ўйинга тайёргарлик кўрамиз.
Ўйлайманки, тикланиш учун етарли вақт бўлади. Биз ҳаммамиз профессионалмиз, фақат олдинга қараймиз", - деди Роман Яремчук.
