Yozgi transfer oynasida "Real"ga hujumchi Endrik kelib qo‘shiladi. Qolaversa, Kilian Mbappe Madridga ko‘chib o‘tishi mumkin. Minus belgisi bo‘lgan bu transferlar Rodrigoning pozisiyasiga ta’sir qiladi, shu sababli, braziliyalik forvard klubini o‘zgartirishi mumkin.

Ispaniyaning Sport nashri xabariga ko‘ra, 23 yoshli Rodrigoga Angliya Premyer-ligasining to‘rtta top klubi - "Manchester Yunayted", "Manchester Siti", "Liverpul" va "Arsenal" qiziqish bildirmoqda.

Manbaning xabariga ko‘ra, ushbu klublarning barchasi Rodrigoning holidan xabar olish uchun allaqachon "Real" bilan bog‘lanishgan.

Transfermarkt Rodrigoni 100 million yevroga baholamoqda. 2023/2024 yilgi mavsumda braziliyalik futbolchi 41 ta o‘yinda maydonga tushib, 13 ta gol urdi va 8 ta golli uzatmani amalga oshirdi.