Ёзги трансфер ойнасида "Реал"га ҳужумчи Эндрик келиб қўшилади. Қолаверса, Килиан Мбаппе Мадридга кўчиб ўтиши мумкин. Минус белгиси бўлган бу трансферлар Родригонинг позициясига таъсир қилади, шу сабабли, бразилиялик форвард клубини ўзгартириши мумкин.
Испаниянинг Sport нашри хабарига кўра, 23 ёшли Родригога Англия Премьер-лигасининг тўртта топ клуби - "Манчестер Юнайтед", "Манчестер Сити", "Ливерпуль" ва "Арсенал" қизиқиш билдирмоқда.
Манбанинг хабарига кўра, ушбу клубларнинг барчаси Родригонинг ҳолидан хабар олиш учун аллақачон "Реал" билан боғланишган.
Transfermarkt Родригони 100 миллион еврога баҳоламоқда. 2023/2024 йилги мавсумда бразилиялик футболчи 41 та ўйинда майдонга тушиб, 13 та гол урди ва 8 та голли узатмани амалга оширди.
