Angliya terma jamoasi bosh murabbiyi Garet Sautgeyt Braziliyaga qarshi o‘rtoqlik o‘yinining 20-daqiqasida almashtirishga majbur bo‘lgan "uch sherlar"ning 33 yoshli o‘ng qanot himoyachisi Kayl Uokerning jarohati haqida gapirdi.

"Biz hali nima bo‘lishini bilmaymiz. U nimadir noto‘g‘ri ekanligini his qildi, lekin u tez-tez jarohat oladigan o‘yinchi emas.

Vaziyatni yaqin kunlarda baholaymiz", - deya Sautgeytning so‘zlarini keltiradi jurnalist Fabrisio Romano X ijtimoiy tarmog‘ida (sobiq Twitter).

Eslatib o‘tamiz, joriy mavsumda Uoker barcha turnirlarda 38 ta o‘yinda qatnashib, 3 ta golli uzatmani amalga oshirgan.

Futbolchining klub bilan amaldagi mehnat shartnomasi 2026 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 13 million yevroni tashkil qiladi.