Англия терма жамоаси бош мураббийи Гарет Саутгейт Бразилияга қарши ўртоқлик ўйинининг 20-дақиқасида алмаштиришга мажбур бўлган "уч шерлар"нинг 33 ёшли ўнг қанот ҳимоячиси Кайл Уокернинг жароҳати ҳақида гапирди.
"Биз ҳали нима бўлишини билмаймиз. У нимадир нотўғри эканлигини ҳис қилди, лекин у тез-тез жароҳат оладиган ўйинчи эмас.
Вазиятни яқин кунларда баҳолаймиз", - дея Саутгейтнинг сўзларини келтиради журналист Фабрицио Романо Х ижтимоий тармоғида (собиқ Twitter).
Эслатиб ўтамиз, жорий мавсумда Уокер барча турнирларда 38 та ўйинда қатнашиб, 3 та голли узатмани амалга оширган.
Футболчининг клуб билан амалдаги меҳнат шартномаси 2026 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 13 миллион еврони ташкил қилади.
