"Real"ning o‘ng qanot himoyachisi Daniel Karvaxal "Barselona"ning markaziy himoyachisi Pau Kubarsining Germaniyada bo‘lib o‘tadigan Yevropa chempionatiga borish imkoniyatlariga baho berdi.
"Kubarsini debyuti bilan tabrikladim. Pau hali yosh yigit, ammo mashg‘ulotlarda u yetuk ko‘rinardi. Kolumbiyaga qarshi o‘yinda o‘ynagan daqiqalar ham xuddi shunday. Menimcha, u Yevropa chempionatiga yo‘llanma uchun jiddiy nomzod", — dedi Karvaxal matbuot anjumanida.
Kubarsi Ispaniya terma jamoasi safida Kolumbiyaga qarshi so‘nggi o‘yinda debyut qilgandi.