Londonning “Vest Xem” klubi “Everton”ning belgiyalik markaziy yarim himoyachisi Amadu Onanaga qiziqishni yana bir bor kuchaytirdi, deb yozadi Football Insider.
Manbaga ko‘ra, "bolg‘achilar" yozgi transfer oynasida markaziy yarim himoyachi o‘rnini mustahkamlashni o‘z oldiga maqsad qilib qo‘ygan. Qolaversa, hozirda unda o‘ynayotgan Kelvin Fillipsni katta ehtimol bilan londonliular unga egalik qiluvchi "Manchester Siti"dan sotib olmaydi.
22 yoshli Onana 2027 yilning yoziga qadar mo‘ljallangan uzoq muddatli shartnomaga ega. Transfermarkt futbolchini 50 million yevroga baholamoqda.