"Liverpul" hujumchisi Kodi Gakpo o‘ziga nisbatan tanqidlar haqida qayg‘urmasligini tan oldi.

Niderlandiyalik futbolchini ingliz grandi o‘tgan yilning yanvar oyida 42 million yevro evaziga sotib olgandi, biroq u Yurgen Klopp jamoasidan haligacha doimiy asosiy tarkibdan o‘rin qo‘lga kirita olmadi.

“Meni tanqid qilishadi? Eshitganman, lekin bundan unchalik tashvishlanmayman. Ba’zila ishlar yaxshi bo‘ladi, ba’zida esa yo‘q, buni yaxshi bilaman", - deya 24 yoshli futbolchining so‘zlarini keltiradi ingliz OAVlari.

Joriy mavsumda Kodi Gakpo “Liverpul” safida barcha turnirlarda 42 ta o‘yinda maydonga tushib, 13 ta gol va 5 ta golli uzatmani amalga oshirdi.