"Ливерпуль" ҳужумчиси Коди Гакпо ўзига нисбатан танқидлар ҳақида қайғурмаслигини тан олди.

Нидерландиялик футболчини инглиз гранди ўтган йилнинг январь ойида 42 миллион евро эвазига сотиб олганди, бироқ у Юрген Клопп жамоасидан ҳалигача доимий асосий таркибдан ўрин қўлга кирита олмади.

“Мени танқид қилишади? Эшитганман, лекин бундан унчалик ташвишланмайман. Баъзила ишлар яхши бўлади, баъзида эса йўқ, буни яхши биламан", - дея 24 ёшли футболчининг сўзларини келтиради инглиз ОАВлари.

Жорий мавсумда Коди Гакпо “Ливерпуль” сафида барча турнирларда 42 та ўйинда майдонга тушиб, 13 та гол ва 5 та голли узатмани амалга оширди.