Xvicha Kvarasxeliya “Napoli” bilan shartnomasini uzaytirishga yaqin turibdi.

Calciomercato xabariga ko‘ra, tomonlar yangi kelishuvga yaqin. Kvarasxeliya va Viktor Osimxenni bir transfer oynasida yo‘qotmaslik uchun neapolliklar gruziyalik vingerning maoshini sezilarli darajada oshirishga tayyor.

Klub va futbolchi yana ikkita asosiy tafsilot: shartnoma muddati va tovon puli haqida kelishib olishi kerak. Amaldagi kelishuv 2027 yilgacha amal qiladi, yangi shartnoma 2028 yoki 2029 yilgacha amal qilishi mumkin.

A Seriyaning joriy mavsumida Xvicha 27 ta o‘yin o‘tkazib, 10 ta gol va 4 ta golli uzatmani amalga oshirdi.