Хвича Кварацхелия “Наполи” билан шартномасини узайтиришга яқин турибди.

Calciomercato хабарига кўра, томонлар янги келишувга яқин. Кварацхелия ва Виктор Осимхенни бир трансфер ойнасида йўқотмаслик учун неаполликлар грузиялик вингернинг маошини сезиларли даражада оширишга тайёр.

Клуб ва футболчи яна иккита асосий тафсилот: шартнома муддати ва товон пули ҳақида келишиб олиши керак. Амалдаги келишув 2027 йилгача амал қилади, янги шартнома 2028 ёки 2029 йилгача амал қилиши мумкин.

А Сериянинг жорий мавсумида Хвича 27 та ўйин ўтказиб, 10 та гол ва 4 та голли узатмани амалга оширди.