"Bavariya" yarim himoyachisi Leon Goretska jamoa uchun muhim futbolchi. Bu haqda Myunxen klubi sport direktori Maks Eberl aytib o‘tdi.
"Goretska - top futbolchi. Men uning sifatli va jismonaniy kuchi hamda tartib-intizomini juda qadrlayman. U klubimizning muhim qismidir. Ammo jamoani shakllantirishda murabbiy ham ishtirok etadi", - deya Eberl so‘zlaridan iqtibos keltiradi jurnalist Florian Plettenberg ijtimoiy tarmoqlarida.
Avvalroq futbolchining xizmatlariga Turinning "Yuventus" klubi qiziqayotgani xabar qilingandi. Futbolchining "Bavariya" bilan shartnomasi 2026 yilgacha mo‘ljallangan. Joriy mavsumda yarim himoyachi sheriklari safida 31 ta o‘yin o‘tkazib, 4 ta gol urdi va 9 ta golli uzatmani amalga oshirdi.
