"Manchester Yunayted" yarim himoyachisi Meyson Maunt "Brentford"ga (1:1) qarshi o‘yindan so‘ng intervyu berdi.

Angliyalik yarim himoyachi 80-daqiqada zaxiradan maydonga tushdi va 96-daqiqada "mankunianliklar"ga deyarli g‘alaba keltirdi, ammo “asalarilar” tezda o‘yinga qaytishga muvaffaq bo‘lishdi.

Darvoqe, urilgan gol Mauntning “Manchester Yunayted” safidagi birinchi goli bo‘ldi.

“Shubhasiz, siz o‘yin yakunida gol urganingizda g‘alaba qozonishni xohlaysiz. Umuman olganda, o‘yinga qaraydigan bo‘lsak, bahs albatta bizning standartlarimiz ostida o‘tmadi va biz buni bilamiz. G‘alabaga loyiq emasdik.

Bu yerda "Brentford" bilan to‘qnash kelish har doim qiyin. Ehtimol, hamma narsa boshidanoq noto‘g‘ri ketdi.

Biz o‘yinni yaxshilashimiz mumkinligini bilamiz. O‘yinlarda g‘alaba qozonish uchun buni qilishimiz kerak. Biz qattiq mehnat qilamiz", deya Mauntdan iqtibos keltiradi BBC.